廣東
梁敏巧早前現身屯門為其YouTube個人頻道節目《一齊煮飯仔》進行新一集拍攝。今次節目邀得人氣主持林盛斌（阿Bob）及女神關嘉敏齊齊上陣，三人一邊煮、一邊笑，現場氣氛熱鬧又溫馨。
梁敏巧成功邀請阿Bob和關嘉敏亮相節目。（葉志明攝）
梁敏巧唔認係地獄廚神
梁敏巧接受《香港01》訪問時表示：「其實我係人稱地獄廚神 ，但我唔認?，因為我廚藝了得。同埋我都想試嚇煮嘢食咁樣。諗住將來嫁得出又嫁得好，亦都想未來老公日子安穩啲，同埋健康啲，所以我就搵一班朋友過嚟幫嚇手做白老鼠，試嚇我啲廚藝咁。」
好投入。（葉志明攝）
梁敏巧自小入廚
被問到入廚經驗多久？梁敏巧笑言：「其實好細個已經入去廚房煮嘢食，因為本身我爹哋媽咪都係廚藝家，亦係幽默大師嚟嘅，因為爸爸係會用紅肉火龍果炒飯，跟住我媽咪又會用啲燒鵝及咖喱魚蛋煲湯，變咗我由細到大都係喺一個突破框框嘅廚藝底下長大，所以我煮嘢食都有一定嘅水準。（拍片係增加及鋪後路？）如果有收入又有多啲客戶過嚟頻道梗係開心啦。但我會覺得請啲朋友上嚟玩下大家一齊拍下嘢我覺得都好開心嘅。」
梁敏巧今日出席其YouTube個人頻道節目《一齊煮飯仔》錄影。（葉志明攝）
特別聲明：以上內容(如有圖片或視頻亦包括在內)為自媒體平臺“網易號”用戶上傳并發布，本平臺僅提供信息存儲服務。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
