廣東
方力申最近出咗首好盞鬼嘅新歌《萬刀甲》——歌名正正來自當年有人用來暗諷佢嘅花名！ 廿五年前，呢位飛魚王子由泳壇跳入娛圈，又唱又演，話係多棲發展，但一度俾人話冇代表作、唔夠紅，同鄧麗欣嗰段情最后都係分手收場，結唔成婚，搞到好多粉絲心碎曬。
據方力申自己回憶，早年有唔鐘意佢嘅觀眾，將佢個名「方力申」戲稱作「萬刀甲」，寓意「永遠冇出頭之日」。點知方力申反而覺得呢個名「幾好玩喎」，好似手游入面啲勁角色名，「萬刀甲俾人感覺好似著住套盔甲咁」 ——你話係咪識玩？難怪佢近兩年成功結婚生女之后，成個人精神爽利，好似換咗個人咁！
講起有幾耐冇出碟？足足十五年！ 今年佢終于成功申辦到人生第一次紅館演唱會（拭目以待）。但唔好意思，大家諗起方力申嘅代表作，似乎仍然係停留喺2009年嗰首《如果世上沒傻瓜》。呢首歌旋律又冧又慘，歌詞仲要貼地到痹——講一對戀人喺感情世界入面氹氹呃呃，激情快樂同婚姻經濟壓力之間點樣抉擇。
林夕寫嗰句真係一針見血：
「如果世上沒傻瓜，談戀愛像會談吧！算得太盡還可擁抱嗎？如何估計回報多寡？如談戀愛為著成家，若代價太高昂，就變心嗎？」
現實就係咁殘忍：人人都好似凈係識追錢，覺得錢先係幸福標準。但林夕結尾又寫畀啲平民百姓發嚇夢：
「愛叫我放低智商，誰人又有福未問價先付帳！傻人自有傻樂，未為了中獎！」
最后仲補多句，等你放低：
「如果愛是難買別買的壁畫，算了吧！」
一齊嚟期待佢今年紅館騷順順利利，順便回味下方力申帶畀我哋讀書時期嗰一首首經典合唱情歌——嗰啲青春、嗰啲回憶，真係返曬嚟！
特別聲明：以上內容(如有圖片或視頻亦包括在內)為自媒體平臺“網易號”用戶上傳并發布，本平臺僅提供信息存儲服務。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
