TVB當紅花旦看透生死！自爆已立遺囑

“三料視后”佘詩曼（阿佘）在臺慶劇《新聞女王2》中，意外和蔣祖曼組成“女女CP”，熱愛挑戰的她直言不介意破格演女同志，反而拒演少女。談到剛離世的“契爺”許紹雄，阿佘看化生死，并自爆早已立下遺囑。

“劇集女王”佘詩曼前年憑《新聞女王》“Man姐”一角榮升“三料視后”，如今時隔兩年，女王強勢歸來。

《新聞2》加入不少新角色，阿佘更首次與黃宗澤合作，劇中唇槍舌劍，火花四濺，她透露不少對白都是即興發揮，相當過癮，更笑言不介意下次合作由敵人變情侶。

阿佘劇中與蔣祖曼的互動深受網民喜愛，更捧為“女女CP”，她坦言對此感到意外：“我同佢拍第一場戲，佢有句對白系：‘我鍾意你，文慧心。’我睇劇本時覺得冇乜嘢，但到現場拍攝，我覺得佢個角色好直接，呢句說話充分表現出佢敢作敢為、敢言嘅性格。”

跳出舒適圈挑戰She She

被問到可有興趣參演女同志題材作品？阿佘強調首要看劇本：“劇本好就冇所謂，我又未試過。（接唔接受到與同性有親熱鏡頭？）視乎劇情需要，唔好為錫而錫，而系有助豐富劇情或拉近兩人關系，總之唔肉酸、唔核突就好。”

提到近年多演職場女強人，阿佘表示沒有固定形象，遇到合適的劇本就盡力演繹。

她認為演員應作多方面嘗試，不應只停留在舒適圈，否則會失去挑戰性，并笑言：“經常演同類角色，就算我唔疲勞，都驚觀眾視覺疲勞啦！（有冇咩角色系唔會接？）如果你要我演少女，梗系唔好搞。

（演人母呢？）有演過，我唔覺得演媽咪系咩標簽。（如果要化老妝演出？）我化過老妝好多次，但成套都化老妝就要考慮，之前化老妝要黐好多膠水，夾硬唧啲皺紋出嚟，好傷皮膚，如果成套戲都系咁，我唔知皮膚返唔返到轉頭，夾咗一條皺紋出嚟都唔好。”

前年憑“Man姐”摘下視后，阿佘今年再演同一角色，問到會否視視后為囊中物？她表示沒有多想，強調每次拍劇并非為獎項，前年已經很圓滿，再得獎是錦上添花。

她認為演戲永遠有進步空間，回想起初入行被批評雞仔聲大受打擊，有段時間非常低落，如今面對網上留言，雖未至于刀槍不入，但也不會回避。

放下工作 陪伴家人

另外，談到最近多位前輩離世，包括跟她感情深厚的“契爺”許紹雄，阿佘直言對生死有所領悟：“設靈當日我同在場嘅人傾偈，話好想回到30幾歲，因為周圍發生嘅都系開心事，例如拍拖、結婚、生仔。

去到另一個階段，面對好多生離死別，我依家仲學習緊點去調整自己，盡快回復正常生活，亦睇化咗一件事，生老病死系必經，但始終要向前行，反而令我更積極。既然一生咁短暫，應該要做多啲幫到人同令自己滿足嘅事。”

她不諱言已立下遺囑：“早陣子立咗，我搵錢咁辛苦，如果我有咩事，都唔想浪費咗畢生積蓄，希望可以按照我意愿分配。”

她指近年已放下一半工作，多抽時間陪伴家人。

雖然仍未結婚生子，但阿佘不視之為遺憾：“已經過咗對生兒育女嘅憧憬，見到其他有小朋友嘅姊妹，佢哋當然開心，但喺時間、精神同體力上付出好大，遠比拍戲攰，我諗我唔鍾意承受呢樣嘢。”